Yığıb qaranlığı bez kimi payız

qatlayıb səhərin qoyur cibinə .

Yayın açıq qalan gün yaxasını

bağlayıb , gündüzü qısaldır yenə .

Ölümə tələsən qatardır ömür ,

Payız ayrılığı tərcümə edir .

Ömür- doğulandan payız fəslidir-

Günlər yarpaq kimi tökülüb gedir .

Payız yağışları qəm yazır yerə ,

Gün düşüb sözləri qurudur bir-bir .

Evlərin damından boylanan Günəş

Evinə tələsən yolçu kimidir .

Sanki,çaynağında- karvan buludlar

qışlağa dasıyır sıra dağları .

Zirvədən asılan kəndir cığırlar

qırılır-artıqca üstündə qarı .

Enibdir göylərin bulud tavanı,

Elə bil,torpağın səbrini içir.

Gecənin içindən keçir hər səhər,

Azadlıq həmişə zülmətdən keçir.

15.09.2026