İtib rənglər arada - Əli Hacı Ağaevli

Ədəbiyyat 11:35 / 18.11.2026 Baxış sayı: 721

İtib rənglər arada,

Hər yan qara şəkildi !

Sahil gəzdim özümə,

Əynim ip-ip söküldü !

 

Özümə ev ağladım,

Sonralara saxladım !

Yerdən daşı yığmadım,

Göydən daşım töküldü !

 

Baş vurub suya girdim,

Suyun da dibin gördüm.

Sahildə əl görmədim,

Sular geri çəkildi !

 

Düşdüm bu daşlı yola,

Gözləri yaşlı yola!

Getdim dərdlə qol-qola,

Gördüm Allah da təkdi !

 

Qoru öz sağlığını,

Yaşat söz sağlığını!

Çəkməzdim heç ağrını,

Yarın eşqinə çəkdim !