Əbülfət Mədətoğlu : - Özüm, qələm, odam...

Ədəbiyyat 09:56 / 15.09.2023 Baxış sayı: 2149

 

Bir özüməm, bir qələmdi, bir odam

İstəmirik illər bizi təkləyə...

Bir qələmin yandırdığı bir odam -

İşığımız hələ düşür, təkliyə!..

 

Gecəmiz də, gündüz kimi sükutlu,

Mən dinmirəm, qələm dinmir, oda lal!..

Ömrümüzün gerçək adı Sükutdu -

Vaxtın olsa , zəng et, bizi oda sal!

 

Qələmim də, özüm də,həm odam da -

Bir pərvanə talehini seçmişik...

Allah bilir, ürək adlı o, damda -

Biz məhəbbət sınağından keçmişik!..