Əbülfət Mədətoğlu :- Alır...

Ədəbiyyat 10:34 / 12.02.2024 Baxış sayı: 390

 

Bu nə gözəllikdi, bu nə baxışdı

Könlümü coşdurub, canımı alır...

Sevgi talehimə düşən naxışdı -

Ruhumu oynadıb, qanımı alır!

 

Bir özgə aləmdi səsinin mehi,

Sinəmə səpilir kipriyin şehi!

Məni bu gecənin eləyib behi -

Səhərə açılan Danımı alır!

 

Ulduz düzümünü boynunda gördüm,

Yuxuda özümü qoynunda gördüm ...

Ağlımı, özümlə oynunda gördüm -

Dünyanın bir mələk xanımı , alır!