Adilə.Səfərova : - Ağırdı şələn, dünya

Ədəbiyyat 08:41 / 09.04.2025 Baxış sayı: 1319

 

Bürünmə qəmə, dərdə

Kədərdən ələn, dünya .

Yönünü çevir mərdə,

Sevincə bələn ,dünya.

 

Olma daha sitəmli,

Baxma üzümə.qəmli.

Bir üzü gözü nəmli,

Bir üzü gülən dünya.

 

Yol getmə nəşəliylə,

Durul haqqın səsiylə.

Sönməyan məşəlinlə,

Zülməti silən dünya.

 

Gahdan açırsan eynim,

Gah ağladırsan... neynim.

Az sıx, zərifdi çiynim,

Ağırdı şələn ,dünya.