Xatirə Rəhimbəyli : - Yenə şeir yazmaq gəlir eynimə .
Ədəbiyyat
09:35 / 14.08.2025
Baxış sayı: 1842
Yenə yaxınlaşır ölüm anlarım ,
Yenə şeir yazmaq gəlir eynimə .
O qansız sevdanı şeir havası ,
Haylayıb gətirir üstümə yenə.
Yenə gülümsəyir hicran günəşi,
Əriyir gözümün şimal büzları .
Yenə də başlayır rəssam xəyalım ,
Rəsmini cızmağa vəfasız yarın .
Elə sürtüb yerə dabanlarını,
Ərköyün ürəyim hönkürür yenə..
İtirdiyim illər eynimə gəlmir ,
Bir şeir havası gəlir eynimə...
