**

daha bir kimsənin ad gününə mən

bağlayan deyiləm söz buketləri...

***

dua eləyirəm özümə elə,

özümdən bir kömək olmazsa, heç nə...

***

Baxıram, baltanın ağzından

kəsdiyi ağacların qanı damcılayır...

***

kor olsun zəmanənin gözü...

***

Od da, su da qorxuludur,

odla suyun arasında qalmaq var;

dəhşət budur...

***

bilirsən, elə var olan yox olur...

***

susuzluq axır çaylarda su...

***

Qaranlıq-

yorğun düşmüş, qanı qaralmış işıq...

***

Hər şey

keçib gedir gələcəkdən...

***

Kədərinə deyil, qədərinə bağlan,

qədərinə deyil, qədərini yazana bağlan;

özünə odağlan, özünə...

***

zalım ağac,

kölgəni ancaq uzaqlara salırsan...