Məf'Ulü məfA'ilün məf'Ulü fə'Ul

+++

Səndən yenə istədim bir dərdə dəva,

Tapmır bu qulun, gəzir hər yerdə dəva.

Dərmanı da yox, ölüm qoy mən, Yaradan,

Ruhum dolaşar, tapar Kövsərdə dəva.

+++

Rəssam götürüb karandaş, çəkdi yuva,

Gördüm asılıb divardan, təkdi yuva.

Yaz gəldi, çəmən çiçək açdı, o vaxt,

Bir damda gəlib göyərçin tikdi yuva.

+++

Sevda qəmi öldürür bir aşiqi, yar,

Əlac ona eyləmir dövlət ilə var.

Qürbət elə yol salan qurmaz uca taxt,

İnsanı qucaqlayar bir doğma diyar.

+++

Könlüm yenə oldu,Yar, bir qəmli kaman,

Göz yaşımı sel edib tar, bir qəmli kaman.

Zəhmətlə keçib günüm aləmdə, Xuda?

Yandırdı bu canı nar, bir qəmli kaman.

+++

Göydən yerə nur verib boylandı səma,

Gün doğdu, telin sərib, odlandı səma.

Aləm bəzənər, baxar, canlansa həyat,

Ol dəm görərik gülüb, şadlandı səma.