DƏDƏNİN QARNI QURDLA DOLUDUR-3

Çayçı Ələkbər görür ki, qonşu uşağı onun çəpərini bir qıraqdan qazıqlayır.Yaxınlaşıb soruşur:

-Nə iş görürsən, a bala?

Uşaq:

-Ələkbər əmi, balıq tutmağa gedəcəm.Ona görə qazıb yerdən bir az qurd çıxarıram.-deyə cavab verir.

Çayçı Ələkbər istehzayla dillənir:

-A bala. qurd lazımdır, yerini deyim də!.. Dədənin qarnı qurdla doludur.Daha biçənəyi qazıqlayıb niyə bu kökə salırsan!?

YƏHƏRİ-YÜYƏNİ APAR...

Qonşularından biri Cinli Əlinin qapısına gəlir:

-Ay Əli kişi, atını bir-iki saatlıq ver mənə.

Uşaq xəstələnib,mollaya dua yazdırmağa gedəcəm.

-Cinli Əli bildirir:

-Qonşu, at möhkəm yağır olub. Belindən qan axır.Mümkün deyil. Amma sən də birdən-ikiyə mənə ağız açmamısan. İndi səni əliboş yola sala bilmərəm. Heç olmasa, o yəhərlə yüyəni götür apar...