Ələsgər ƏLİOĞLU : - MƏNİ BULAĞININ BAŞINA ÇEVİR

Ədəbiyyat 08:42 / 16.04.2025 Baxış sayı: 715

 

Dağlar, haraylasın şəlalən məni,

Öpsün duman məni, öpsün çən məni.

Qoynunda yaşayım təki,

Sən məni

Torpağına çevir, daşına çevir.

Təkcə çiçəyini görüm demirəm,

Şehli çəməninə girim demirəm;

Ömrümü yazınla sürüm demirəm,

İstəsən ömrümü qışına çevir.

Bəzən qəriblikdən bəndə düşmüşəm,

Haraydan düşmüşəm, ündən düşmüşəm.

Bağışla, qoynundan gen də düşmüşəm,

Məni bulağının başına çevir...