Ağaevli Əli Hacı : - O,dünyanın daş qapısı-

Ədəbiyyat 09:28 / 28.04.2025 Baxış sayı: 1040

O,dünyanın daş qapısı-

bu dünyanın əl işidi !

Gələnlərin ağ donunu

gedənlər kəfən daşıdı !

 

Nə olumdu,nə itimdi

hər şey bitdi,yol bitmədi !

Yolçular yola getmədi,

hamı olmağın yaşadı !

 

Allah qovdu öz göyündən,

yuva saldım söz köyündə !

Bu yaxasız köynəyimdə

bir qızın əlin daşıdım !

 

İş köhnədi,söz boyatdı

torpaq alta bata-batdı !

Ömrün vaxtı saatladı,

sözün vaxtı dil işidi !

 

İçimin alıb hisini,

tozun yatırdım hirsimin!

Ömrümün çox hissəsinin,

bircə varağın yaşadım !