1

ƏLLƏRİM VAR İKƏN

Əllərim var ikən

yalqız deyiləm;

tək də tənhalığım olmayıb, bilsən.

Köksümə sığınır ağır çağımda;

elə bil vurulub uzağa düşür...

Sanki nur gəzirəm qaranlığımda;

əlimi uzadıb kimlə görüşüm...

Barmaq uclarımla toxunur kimi

dinir ürəyimin qırıq kamanı...

Hərdən elə, elə istəyirəm ki,

əllərim saxlaya gedən zamanı.

Yaxşıca düşünüb-daşınsan əgər,

İşin getməyinə ayaqdı əllər!..

AXSAYAN İŞ

2

KALAMBURVARİ

sən təksən, tək, tək

tək-tək təklərdənsən

təksən tək,

təklənmisən təksən təksən tək

t+ə+k=tək

ttt

əəə

kkk

təkləri yığ başına

yekləri yığ

yeksən yeksən yerlə-yeksan

tək sən təksən? tək sən tək...

tƏksƏn tƏk tƏksƏn tƏk

t+ƏK

ey T, nə ƏKəsən...

nə əksən də, biçən sən olmayacaqsan

çün təksən, tək

budur gerçək

təksən tək tək tək

tək-tək gəlin üstümə tək tək tək

siz tək-tək gəlin Mən tək

ey siz də məntək

mən də sizintək

tək tək