QÜRUB  yazdı Ələddin Əzimli

Ədəbiyyat 13:57 / 29.06.2025 Baxış sayı: 768

 

Bu şeiri sənə yazdım.

Bunu

bir sən biləcəksən,

bir mən,

bir də yaradan.

Nə olar yaş ötəndə,

hisslər

qüruba enəndə.

Ancaq unutmayaq

bu günün sabahı da var.

Oyanıb görəcəksən

çox şey öz yerindədir-

sevdiyin çiçəklər,

təravətli duyğular,

gözəllik vəd edən ilk bahar.

Amma

səndən də,

məndən də çox uzaq.

Dərindən düşünsək,

belə yaxşıdır.

Çünki

bütün uzaq sevgilərin

dadı, tamı, üzücü həsrəti

tamam başqadır,

əlçatmaz xəyallar kimi...