Bu kiçik sinəmdə ümmanlar yatır,

Çayların da səsi ürəyimdədir.

Bu sakit sinəmdə tufanlar yatır,

Sanki yer kürəsi ürəyimdədir.

Sinəmdən adlayır cığırlar,rizlər

Orda kamanım var, tarım var məmim

Sinəmdə çağlayır çaylar, dənizlər,

Sinəmdə döyünür bulaqıar mənim.

İstərəm qaranquş xəbərlər kimi

Dünyanı dolanam, dünyanı gəzəm.

Gecə yatmağım da canıma yatmaz

O üzə, bu üzə hey çevrilməsm.

Araz narahatdır, Kür narahatdır,

Mənə yaraşarmı heç rahat yatam.

Bu göy narahatdır, yer narahaydır,

Bəlkə buna görə mən narahatam…

Gənclik!- Qələbələr çalmaq deməkdir,

Gənclik!- Bir atəşdir, oddur, ocaqdır.

O, elə narahat olmaq deməkdir,

Sonra dincəlməyə vaxt olacaqdır.