Ələsgər ƏLİOĞLU : - AZIX MAĞARASI

Ədəbiyyat 13:15 / 08.11.2024 Baxış sayı: 788

 

BALALARA HƏDİYYƏ

 

"Mənim Qarabağım" silsiləsindən

Bu mağara tarixin

Nəhəng daş beşiyidir.

Uluların

Dünyada

İlk evi-eşiyidir...

Burdakı hər bir əşya,

Tutar keçmişə çıraq.

Daş nizə,daş dəyənək,

Daş toxmaq, daş çapacaq...

Neçə cür alət görər,

Bura yönü düşənlər.

Hələ bir çoxunu da

Çırpışdırıb düşmənlər...

Toxunsan hər daşına,

Dil açıb dinəsidir.,

Mənim Azıx mağaram,

Tarix xəzinəsidir.

21.08.2023