Ehtiram İlham - Səndən, məndən, ondan, bundan...

Ədəbiyyat 10:25 / 07.05.2026 Baxış sayı: 327

*****

Səndən, məndən, ondan, bundan

Bizə qalxmadısa heç nə.

Qış günün, ələnən qarda

Yaza qalxmadısa heç nə.

Tufanlar qopsa beynində

Qalarsanmı öz yerində?

Sən halalsansa, əyrin də

Düzə qalxmadısa heç nə.

İçində susmasa səsi,

Sönməsə eşqi, həvəsi...

Gözəlin işvə-qəmzəsi

Naza qalxmadısa

heç nə.

Boş ver, Ehtiram nə deyir?

Adam ha döy, ruhdu şair.

...Adamın yazdığı şeir

Saza qalxmadısa heç nə.

04.01.25