Əbülfət Mədətoğlu : - ÜSTÜNDƏ

Ədəbiyyat 08:07 / 04.11.2022 Baxış sayı: 4063

 

Fikirlərim düyün düşüb -çözülmür

Oturmuşam Dərd daşının üstündə...

Bu halıma cəhd etsəm də , dözülmür -

Çadır qurub dərd başımın üstündə...

 

Yer həmənki, göy həmənki, mən həmən

Söz tökülən bal dodağın - mən əmən...

Bu talaya ha desən də sən çəmən -

Mən iz gördüm sol qaşının üstündə...

 

Əl çatan da, ün yetən də xoş qılıq,

Dərdi öymək aldanış və boş qılıq!..

Biz çox etdik bu ömürdə naşılıq -

Ümid üzdü göz yaşının üstündə!..