Naxışını bu kədərin, bu qəmin

Kibrit çöpün sayan kimi saymışam...

Heç bilmirəm bu kədərin həmdəmin -

Kimi seçib , yayan kimi , saymışam?!

Bəlli olan bu həsrətin soy adı,

Dəftərimdə neçə vərəq sayadı...

Yuxu ilə , yaşadığım həyatı -

Eyni bilib-ayan kim   isaymışam!..

Övladların içində mən çıqqılılın -

Səsin udub, çıxarmayan çıqqırın!

Bilib özün daşın, qumun, çınqılın -

Hətta bir az qayan kimi saymışam!

Ərk payımı sevgim ilə qoşa bil,

Ürəyimi ürəyinə qoşa, bil!

Bir az silkin, bir azca da coşa bil -

Varlığıma SƏNİ həyan , saymışam!