Dəyişər görkəmi yalın -yamacın,

Sovuşar bəhrəsi -- barı torpağın.

Hicran küləkləri tüğyan eyləyər,

Çırpılıb tökərlər sarı yarpağın.

Üryan ağacların gələr yuxusu--

Payız ayrılıq qoxusu...

******

Köç başlar, boş qalar quş yuvaları,

Çövğunlar " toy tutar" yaraşığına.

Yağışlı gecələr qaçsa yuxusu,

Gileylər edərlər Ay isıgına.

Dağılar, viranə qalar çoxusu--

Payız ayrılıq qoxusu ...

*****

Bəh- bəhlə " Vağzalı" sədası altda,

Sevənlər vüsala qovuşsalar da,

Çırpınıb titrəyər qız ürəkləri,

Bir özgə ocağa yovuşsalar da

Kövrəlib yaşarlar hicran qorxusu--

Payız ayrılıq qoxusu ...