Adil Şirin : - Sən bütün körpüləri...
Ədəbiyyat
15:05 / 08.11.2024
Baxış sayı: 722
Sən bütün körpüləri,
Yandırmısan, sevgilim.
Geri dönmə, geri dönmə,
Geriyə yol yoxdur, gülüm.
Məhəbbət körpüləri,
Səadət körpüləri,
Sədaqət körpüləri
Od tutub yanır...
Ömrün axar suları
Axdı apardı səni.
Qara telə bəyaz gül
Taxdı apardı səni.
Sevda körpülərini
Yandırıb, yaxıb getdin.
Son bir dəfə gözlərimə
Baxıb getdin, baxıb getdin....
Göy suların üstünə
Soyuq qaranlıq çökdü.
Hicran rüzgarı əsdi,
Ulduzlar çiçək tökdü...
Sənlə mənim aramda
Bütün körpülər yanıb.
Qarşımızda keçilməz
Uçurumlar dayanıb...
