Yenə yalqzaqlar əlnə düşmüş

Bir sahib axtaran Qır Atdı dünya.

Keçəl Həmzələrin felinə düşmüş,

Koroğlusuz qalan bir atdı dünya.

Saçı güllələrlə daranan günü,

Bəyaz gecələri qaralan günü,

Odlu silahları yaranan günü

Özünə də ölüm yaratdı düya.

Oda yaxınlaşan rezin şardımı,

Qarda çiçəkdimi, suda qardımı,

Qorxunc yuxu görmüş uşaqlardımı,

Səksənə- səksənə qalıbdı dünya

Qəlbində həyacan, üstündə hədə,

Köksündə min yerdən qanaxma, zədə…

Ehtiyatlı olun söz deyəndə də,

İndi özü boyda barıtdı dünya!