Ələsgər ƏLİOĞLU : - 31 DEKABR

Ədəbiyyat 08:10 / 31.12.2024 Baxış sayı: 875

 

31 dekabr-

Ömrümüzdən gəlib keçən qatarların

Son dayanacağı...

Şüurumuza həkk olunan,

Yeni-yeni baxış bucağı...

Bu qatardan düşüb,

Minirik o qatara...

Yol gedirik gündüz-gecə,

Dolanırıq zamanın orbitində;

Saatların əqrəbindən keçə-keçə...

Hər qatarı dəyişdikcə,

Qara günə -

Ağ günə öyrəşir üzümüz.

Hər qatarı dəyişdikcə,

Daha rahat kupe gəzir gözümüz..

Hər qatarı dəyişdikcə

Daha da həvəsimiz artır yaşamağa..,

Arabir bələdçinin səsi eşidılir:

Qatar yaxınlaşır Torpağa!..

30.12.2024