AY Bəniz Əliyar : - Yox olmaq nədir görən?

Ədəbiyyat 09:22 / 30.10.2024 Baxış sayı: 561

 

Yox olmaq nədir görən?

Ölüm bunca haqdı? Yox!

Bir var sağdı, bilirsən,

Bir də var ki, yoxdu! Yox!

 

Qızılı bir payızmı,

sarı yarpaqmı yoxluq?

Qara daşmı, qəbirmi,

soyuq torpaqmı yoxluq?

 

Qəlbində basdırdığın

gözündəki dirimi?

Əllərində boş qalan

əllərinin yerimi?

 

Yox olmaq nədir görən?

Ötən zaman,keçən il?!

Heç biri deyil axı,

heç biri deyil, deyil..!

 

Baxıram, yollarına

xəzəl düşüb bir yığın.

Hansı yönə bənd olub

çəkilməyən yoxluğun?