HƏLƏ YOLAYRICINDAYAM - Ismayil Imanzadə
Ədəbiyyat
20:45 / 28.03.2025
Baxış sayı: 4993
Lal-dinməz dayanmağım
Qaxınc olub başıma.
Hara üz tuturamsa
Bir sədd çıxır qarşıma.
Əllərim daraqlanıb
Həsrətimin saçında.
Düz beş ildir qalmışam
Məchul yolayrıcında.
Bu basabasda mənim
Hələ növbəm, vərim yox.
Nə qalmağa həvəsim,
Nə getməyə yerim yox.
Saf-çürük eləyirəm
Zülmət dalanı, tini.
Bilən varsa, tanıtsın
Mənə yolun səmtini...
27.03.2025
