Qışla yazın sərhəddinə yağan qar

Bir az dünən, biraz sabah havası...

Bu təzada küsgün- incik baxanlar ,

Qarşıdadı gül, çiçəyin səfası...

İlmələri, naxışları fərqlidi

Ötüb gedən günün, ayın və ilin...

Yaşananlar bəzən, hətta şərtidi -

Həyat qəfil çala bilir təbilin!..

Hər kəs üçün bir cür vurur bax nəbiz

Eyni ritmin yorucudu sədası...

Dəyişəsi deyil fəsil, nə də biz -

Kainatın sahibi var, qadası!

Üzümüzə gülümsəsin bu sabah

İçimizi, biz də çırpaq həvəslə

Qəlbimizdə Sevgi, Ümid və Allah -

Ömrə davam!- deyək yeni nəfəslə!..