Elnur Uğur Abdiyev : - DÜNYA...

Ədəbiyyat 21:07 / 13.03.2025 Baxış sayı: 181

Dünya -

Bu nazlı qarı,

Çox kişiləri yolundan elədi.

Hə, əzəlindən belədi;

Əbədə xatirədi bu gün!

Hər gün sabah üçün

Yaşayanlar yaşadı əslində o günü.

Dünya -

Bu nazlı qarı

Günahlandırmaz özünü.

Günah kişilərin kişiliyindədi,nədi?

Bu qarı dünyanın

Gözəlliyinə nəfsini qurban elədi.

Biri ümid kəsdi,

Biri damar!

Sonda qan axmadı,

Sevgi abortundan yarıda qırıldı yollar.

Dünya-

Bu nazlı qarı!

Elə oğulları

Uddu!

Hamı unutdu!

Təkcə unudulmayan bir yara qaldı,

O da hər gün bir az soyulur.