Əbülfət Mədətoğlu : - Sərmişəm ruhumu Ay işığına,
![](/uploads/img/posts/2024/04/12/əbüljpg-1704602269jpg-1704864227jpg-1712903031.jpg)
Sərmişəm ruhumu Ay işığına,
Susaraq baxıram - mən növbədəyəm!..
Qarışır Allahdan pay işığıma -
Köksümə sıxıram - mən tövbədəyəm!..
Sirr deyil heç kəsə imanım , dinim
Gözümsə yol çəkir -Qibləm sən tərəf!..
Bir"Allah!" söyləyir, bir də "Yar!" dilim -
Budur mənim üçün ən böyük ŞƏRƏF!..
İlıq məqamı da, küsgün anı da
Qaçılmaz sayıram, qədər bilirəm...
Tay dilə tutmuram yanan canı da -
Öpdüyüm şəkilin gözün silirəm!..