Zəka Vilayətoğlu : - Tərki-dünya oluram,

Ədəbiyyat 08:08 / 03.05.2025 Baxış sayı: 1455

Tərki-dünya oluram,

Belə qəmli ötmə, Ney,

ürəyimə od salır,

Belə qəmli ötmən, ey!

 

O yanğılı səsində

Qəm necə şirin olur,

Adamın sinəsində

İzi çox dərin olur!

 

Sən ötdükcə səsindən

Oluram bir lal kimi,

Ürəyim dönür cama,

Qəm süzülür bal kimi!

 

Gözəl olur o qəm ki,

Ondan sevinc doğulur!

Elə o sevincin də

Nurundaca boğulur!

Belə qəmli ötmə, Ney!..

Z. V.