Xatirə Rəhimbəyli - ÖLMƏ

Ədəbiyyat 08:15 / 10.09.2025 Baxış sayı: 1801

 

Nə tez-tez deyirsən :"Ölürəm daha "

Ağzından yel alsın ,nə sözdü ,ölmə!

Sənin ölünü də qıymazlar mənə,

Ölü diridən də əzizdi,ölmə!

 

Mənim başım çıxmaz küydən-kələkdən,

Ətrini alıram əsən küləkdən ...

Adın xatirimdə güldən-çiçəkdən

Göylərdə mələkdən təmizdi ,ölmə!

 

Dilim dönməz deyəm ,zalımsan ,pissən ,

Noolsun ki,indi əğyarla dostsan .

İlahi ülfəti min yol da pozsan ,

İlahi sevgilər ölməzdi ,ölmə!

25.11.2014.