Bulvarda gəzintiyə çıxmışdım.Orada qızğın iş gedən, yeni tikilən yaşayış binalarının yanından keçərkən,köhnə tanışlarımdan biri olan Haqverdi ilə rastlaşdım.Hal - əhval tutduq. Haqverdi dil- boğaza qoymadan üyüdüb ,tökməyə başladı.:

-- Bir kiçik marketim var.Ondan gələn qazancımla verməliyəm: işıq haqqı,su haqqı,qaz haqqı,icarə haqqı,ev kirayəsi,işlətdiyimiz ərzaqların,meyvə - tərəvəzlərin haqqı,geydiyimiz paltarların haqqı,uşaqların təhsil haqqı...

Axı mən işləmirəm,almıram əmək haqqı...

Bundan başqa hələ var: "Sahə müvəkkilinin haqqı,verginin haqqı," sanepstansiyanın " haqqı, " pojarnının" (yanğınsöndürənin)haqqı...

Mənim ona təəccüblə baxdığımı görüb and içdi:

--İnanmırsan?Dinimiz haqqı,məzhəb haqqı,vicdan haqqı...Quran haqqı...

Kiçicik fasilədən sonra:

--Çörək haqqı...

Mən dedim:

--Haqq bizə verib yaşamaq haqqı...yaşamalıyıq..Amma gəl danışaq haqqı-na...

Sən sadaladıqların haqq alanlardan başqa vicdanlıları ,yaxşıları da çoxdur...

Bəli,bizim haqqı-mız var,yaşamaq haqqı-mız...Əlbəttə bəzi " üzdəniraqlar" qoyurlar haqqı-mıza " mız"...

Haqqı-mıza girənlər ,haqqı-mızı yeyənlər də var. Elələrinə gərək halal etməyək haqqı-mızı...

Bu zaman Haqverdi kərpicləri daşıyıb ,qalaq- qalaq yığan fəhləni göstərib dedi:

---Görürsən necə işləyir? Yazıq yorulub...İşləyir hıqqına- hıqqına... Bilirsən onun haqqı nə?..Gündəlik 20 manat..

-- Sahibkarlar var ki,verirlər yüksək əmək haqqı,bunu da demək lazımdı haqq-ına...

Haqverdi mənimlə razılaşdı,mövzunu başqa istiqamətə yönəltdi:

--Sən Sovet dönəmində zavodda sex rəisim olanda mənə çox hörmət eləmisən.Mənim boynumda çoxdur sənin haqqı-n. Sənə nə hörmət edim?

Mən:

--Sənə halal eləyirəm haqqı-mı- deyib ondan birtəhər qırıldım.

Düşündüm:

--Gərək həyatda verməyəsən nahaqqa haqqı. Həmişə danışmışam haqqına.

Bəli çox zaman haqqı tapa bilmirik..Nə deyim haqq haqqında...Amma görünmür haqq çox zaman ...çəkilir gizlənir ədalət- haqq qında ...

.....Valideynlərimizin çoxdu boynumuzda haqqı...

Ha əlləş,vuruş gecə- gündüz lap elə hıqqın...heç vaxt əvəzin ödəyə bilməzsən onların çəkdikləri əziyyətin,zəhmətin haqqı-n...

...Bu reallıqdır...Ölüm haqdır...Bizim bir əbədi dünyamız var...Haqq Dünyamız...

...Mən bu yazımı gecə yarısı yatağımdan qalxıb ,oturub yazdım...

İnanmırsınız?? And içim??

ALLAH HAQQI...!!!