Əbülfət Mədətoğlu : - Cavabsız  sual

Ədəbiyyat 19:32 / 30.05.2025 Baxış sayı: 2911

 

Mən yükümü yükə yığdım

Sayıb bükə, bükə yığdım!..

Ümidi bir tükə yığdım -

Üzülərmi, üzülməzmi?!.

 

Ahın ucun göydə gördüm

Rəng bollaşdı göy də gördüm!

Yer , nə gördüm, göy, nə gördüm -

Süzülərmi, süzülməzmi?!.

 

Duam düşüb sırsıraya

Necə verim sir, sıraya?..

Heç bilmirəm bir sıraya -

Düzülərmi, düzülməzmi?!

 

Vurulandan sən bəndəyə,

Tən saydımım, tən,bəndəyə!

Siz söyləyin, mən, bəndəyə -

Dözülərmi, dözülməzmi?!.