Bayden ABŞ ermənilərini məyus etdi
![](/uploads/img/posts/2023/09/29/1879654291_0_62_3072_1790_1920x0_80_0_0_f6d1d4567bce2e29d72b1ddb12242744jpg-1695965766.jpg)
ABŞ Prezidenti Cozef Bayden Birləşmiş Ştatlarda yaşayan erməniləri məyus edib.
Bunu ABŞ-da dərc olunan “The California Courier” qəzetinin naşiri və redaktoru Arut Sasunyan “NEWS.am”ın müxbiri ilə söhbətində bildirib.
“Hər kəs ABŞ hökumətindən son dərəcə məyusdur. Bayden seçkilərdə erməni icmasının səslərini itirəcək. ABŞ hökumətinin mövqeyi məni son dərəcə məyus edir”, - ABŞ ermənisi deyib.
O, hesab edir ki, ABŞ ermənilərə külli miqdarda yardım ayırmalı idi.
“Hər kəsdən xoş sözlər eşitməkdən bezmişik. Həyatım boyu Baydeni dəstəkləmişəm, lakin indi Amerikanın bütün erməni icması ondan məyus olub. Əminəm ki, Bayden keçən dəfəki qədər ermənilərin çox səsini almayacaq”, - o əlavə edib.
Üstəlik, Sasunyan hesab edir ki, Baydenin rəqibi Donald Trampın namizədliyi ermənilərin maraqları üçün daha pisdir.
"Beləliklə, gələcək prezident seçkilərində ermənilər üçün seçim pis və daha pis namizəd arasındadır", - “The California Courier”in redaktoru əlavə edib./Report