"Bakı Soveti"ndən Sahil"ə doğru

Hələ də sürüyür bu qatar məni .

O zalım qatarın ardıyca qaçıb

Hələ də izləyən biri var məni ...

Taqətim olmadı tutam saxlayam ,

O tale qatarı apardı məni .

Ürəyimdən axdı çox qara qanlar ,

"Vəfalı yar olsa,tapardı məni.."

Uyuşa bilmirəm taleyə,baxta ,

Yazıq baxt üzümə ha gülür mənim ...

Mənim yaddaşımın dərd qatarında

Arxamca bir ürək yüyürür mənim ...

"Ehtiyatlı olun !" dedilər onda ,

Yəqin ehtiyatı əldən vermişəm .

Arxamca birisi yüyürür hələ,

Bu qatar geriyə qayıda ,düşəm ...

Dil topuq vurmaya ,deyəm sözümü ,

Deyəm,ürəyimdə nə var qurtara ...

Gözümün bu qansız suları bitə,

Bu yaddaş,o yüyrüş ,qatar qurtara ...

Qopara bilmir ki ,xatirələrdən ,

Çəkir çarmıxlara o qatar məni ....

O zalım qatarın ardıyca qaçıb

Hələ də izləyən biri var məni ...

10.12 .2014