Milli Məclisin  sədrinin birinci müavini Əli Əhmədovun başçılığı ilə parlament nümayəndə heyəti  Moskvada  keçirilməsi nəzərdə tutulan Milli Məclisi və   Rusiya Federal Məclisi parlamentlərarası əməkdaşlıq komissiyasının 23-cü iclasında iştirak etməyəcək.

Yenises.az  xəbər  verir ki, bu barədə Milli Məclisin Mətbuat və ictimaiyyətlə əlaqələr şöbəsindən bildirilib.

Buna səbəb  Yekaterinburq şəhərində bu ölkənin hüquq-mühafizə orqanları tərəfindən azərbaycanlılara qarşı etnik zəmində nümayişkaranə, məqsədli və mühakiməsiz şəkildə  qətil  və zorakılıq əməllərinin həyata keçirilməsi və son dövrdə bu kimi halların mütəmadi xarakter daşımasıdır.

Yuxarıda deyilənləri nəzərə alaraq, Milli Məclisin   nümayəndə heyətinin adıçəkilən səfəri ləğv olunub.