Ələddin Əzimli  - QƏRİBƏLİK

Ədəbiyyat 14:46 / 16.07.2025 Baxış sayı: 1361

 

bir qadın

ikinci qadın

daha bir qadın çıxdı səhnəyə

şeir deməyə

başladılar nəsə ürəkdən söyləməyə

ilk dəfəydi

eşidirdim bu şeirləri

ahəngini rəngini ritmini duya bilməsəm də

qulağım onlarda idi

hamı tək

yəni salondakılar kimi

duysam da duymasam da

eşidirdin onların səsini sözünü

şeirlər bitdi

bir neçə anlıq hamı fikrə getdı

ancaq birdən

alqışlar başladı

məndən başqa

əl çalırdı deyəsən hamı

dəqiq bilmirəm

çünki mən qapılmışdım özümə

niyə əlim çatmadi o ycalığa

ruhum o səsə

ürəyim o nəfəsə

bu qədər də yadlıq olar

quruyub qalmaq olar

belə çıxır ki

təzədən başlamalı

təzədən dinləməliyəm eşitdiklərimi

kökləməliyəm ruhumu bu deyilənlərə

səs sahibi o qadınlara

anlamaq üçün onları

oxumaq duymaq üçün yazılanları

bu qəribə yazarları...