1

***

kölgə düşür işığın da üstünə,

işığı da qaralamaq olur ha...

dediyinə bir az diqqət etsənə,

işığı da yaralamaq olur ha...

o işığın işığına bir baxsan,

bir qəlb kimi nə təmizdi, nə pakdı!

bir şeirə qanad verib uçurman

bəlkə elə o işığı tapmaqdı...

yaxşı olan bir işıqdı hey yanan;

dostunu keç, düşməni də var amma...

götür sözü işıq kimi əzizlə,

birdən yerə düşməyi də var amma...

qoruyasan od-ocağı, nə gözəl,

çırağına uzanmaya xain əl...

2

***

iydi, iy- düppədüz, gəl, düz sarımır,

elə hey yatanın yuxusu gəlir...

həqiqət itirib gerçəkliyini,

nə düz sarımaq var, nə iş düz gəlir...

sağ əl sol əl ilə düz sarımırsa...

kimdi e kimləsə düz sarıya, eh...

bu bazardan adla, keç o bazara;

kasadlıq keçirir düz sarıdan, eh...

gərək hər kəs ilə düz sarıyasan,

kimsə yalanı da doğru sırıyır...

işin əyilibsə, bax, o filankəs-

fikirləşmə- mənlə əyri sarıyır...

bir əl ki öyrəşə əyri işlərə,

çətin yaranı da düz sarıya, hə...