İSMAYIL MƏRCANLI İMANZADƏ : - KEÇ

Ədəbiyyat 08:30 / 21.07.2025 Baxış sayı: 1059

 

Sözlə yol çəkim sənə,

Sinəm üstən adla, keç.

Bircə dəfə dönüb bax,

Ürəyimi odla, keç.

 

İstəsən bir də gəlmə,

Heç dərdimdən də ölmə!

Şirinləş kəlmə-kəlmə,

Misra-misra dadla keç!

 

Bir az nəfəsini dər,

Səbrini süfrətək sər.

İşdi, yorulsan əgər,

Dizlərini qatla, keç!

 

Eşqin göyərəsi dən,

Öz vaxtını gözlə sən!

Məndən keçmək istəsən

Gecikmə... urvatla keç!..

10.07.2022