Bəhruz Niftəliyev - Akdəniz axşamlarına dözümüm yox,

Ədəbiyyat 08:16 / 18.07.2025 Baxış sayı: 1166

Akdəniz axşamlarına dözümüm yox,

Gündüzüylə baş qatıram.

Sən yoxsan deyə bir təhər günümü gün edir,

Səhərimi başlayıram!..

Səni xoşlayıram, Marmaris,

Yarım daha gözəldi.

Yaşılın, mavin ruhuma müjdə,

Amma sevgim,

Amma həsrətim

Səndən üstə, daha özəldi!

Darıxıram…

Darıxıram Bakım üçün,

Anam, atam , ta kim üçün?..

Darıxıram, Marmaris!

Bu od, sərin suları,

Bu yad, dərin suları,

Bura sənin suların

Xəzərimə gedəm mən!

Daha necə edəm mən?

Anlayasan,

Darıxıram…

17.07.2025

 

Marmaris