XƏBƏR LENTİ
27 İyun 2022
26 İyun 2022
25 İyun 2022
24 İyun 2022



Ayaz Arabaçı :-Qurtarsın. ATAM (İki şeir)
Ədəbiyyat 11:11 / 19.05.2022
QURTARSIN

Qanadım yoxdu ki,bu dərdin üstən,
Bir dəfə quş kimi səkim, qurtarsın.
Sənin həsrətini harda azdırım,
Başımdan hayanda əkim, qurtarsın.
Etmə hər yetənə ətəklik məni,
Elə bal eşqinə pətəklik məni,
Öldürüb qurtardı bu təklik məni,
Mən necə eləyim təkim qurtarsın.
Yalandı kim desə əjdaha mənə,
Bu sevgi oturdu çox baha mənə,
Deyirsən üz tutma sən daha, mənə,
Məni bu ağrıdan bə kim, qurtarsın.
Uğradım qədərim-qəzam nədisə,
Yükümü elə ver, əzam nədisə,
Kəs mənə biryolluq cəzam nədisə,
Mən də adam kimi çəkim qurtarsın..
Tutulmuş gözümə zövqü-səfa ver,
Son sözü yenə də son insafa ver,
Mənə özün yetiş, özün şəfa ver,
Qoyma bu yaranı həkim qurtarsın..




ATAM

Bütün çilçıraqların fövqündə sən durursan..
Qəlbmizdə dövr edib, nəbzimizdə vurursan.
Hər gün ürəyimizdə hakimiyyət qurursan..
Atam.
Keçib gəldin vüqarla, min obadan, min eldən,
Barıt qoxusu gəlir əynindəki şineldən.
Milyon kərə üstündü bu cod qoxu ,"Şanel" dən,
Atam.
Böyük türk torpağında çevirdin yaza, qışı,
Halallıqla qazandın, məhəbbəti, alqışı,
Öpürəm alnındakı çatılan hər qırışı.
Atam.
Dünyanı bir həmlədə gətirdin ayağına,
Məlhəm buldun təbibtək könlümüzün dağına,
İki dünya bir olsa toz qonmaz bayrağına,
Atam..
Buludlara baş vurur, uca zirvədə kürsün,
Adın, qoy dövranını həmişə belə sürsün,
Neynirsən, ünvanına ,kim harda hürür, hürsün..
Atam..
Neçə ki, nizamdadı bu həyat, qalacaqsan,
Sənə olan bu eşqə, daim mat qalacaqsan,
Tarixdə son günəcən salamat qalacaqsan,
Atam..
Bir 2 nəfər və ayaqüstə duran insanlar şəkili ola bilər


2618 oxunub

InvestAZ