XƏBƏR LENTİ
25 Oktyabr 2021
24 Oktyabr 2021
23 Oktyabr 2021



Uşaqlara narkotik təklif edildi - DİN hərəkətə keçdi
KRİMİNAL 11:14 / 12.08.2021

Ötən gün Xırdalan şəhərində uşaqlara və gənclərə açıq şəkildə narkotik vasitələr təklif olunub.

Yenisəs.az xəbər verir ki, bu barədə Abşeron KOB İnkişaf Mərkəzinin əməkdaşı Lalə Bağırova Feysbuk səhifəsində yazıb.

Onun sözlərinə görə, Xırdalan şəhəri AAAF Park Yaşayış Kompleksində bu hadisənin şahidi olub.

"Bu şəkildə gördüyünüz və kameralarımıza düşməyən 14-15 yaşlarında oğlan uşaqları bu gün axsam saat 21:45-22:00 radələrində Xırdalan şəhəri AAAF Park Yaşayış Kompleksinin 11 saylı küçəsinin blok girişləri tərəfdə bütün oynayan uşaqlara "konfet, saqqız" adı ilə ağ həblər təklif ediblər. Bizim uşaqlar bildirəndə ki, "biz bilirik bunlar nədi”, - qayıdıblar ki, sizin bilmədiyiniz şeylərdəndi. Bir sözlə uşaqlar çox pis bir təlaşla bizə zəng vurdular ki, narkomanlar həyətdə uşaqlara nəsə təklif edirlər.

Öz aralarında isə danışırlarmış ki, uşaqları basıb maşına aparsınlar. Demək istədiyim budur ki, belə hallar çox kütləviləşib.

Çalışaq evdə azyaşlı uşaqlarımıza belə başa salaq-heç kimsədən nəsə almasınlar. Çalışaq uşaqlarımızı qəti nəzarətsiz buraxmayaq. AAAF Parkda digər kameralar da var. Xahiş edirik, bu məsələ təcili araşdırılsın”, - deyə L. Bağırova bildirib.

Bakı.vs-ə açıqlama verən Daxili İşlər Nazirliyinin Mətbuat Xidmətinin şöbə rəisi, polis mayoru Elşad Hacıyev bildirib ki, məsələ araşdırılacaq:

"Məsələ barədə məlumatlıyıq, müvafiq araşdırma aparılır”.


1202 oxunub

InvestAZ