XƏBƏR LENTİ
12 Avqust 2022
11 Avqust 2022



Paşinyan Rəisi ilə görüşdə bu məsələləri müzakirə etdi
DÜNYA 16:38 / 05.08.2021
İranda səfərdə olan Ermənistanın Baş naziri Nikol Paşinyan İran Prezidenti İbrahim Rəisi ilə görüşüb.
 
Yenisəs.az  Axar.az-a  istinadla  xəbər verir ki, görüş zamanı Rəisi Tehranın dost Ermənistanla siyasi, iqtisadi və humanitar sahələrdə əlaqələrin inkişafına önəm verdiyini qeyd edib. Paşinyan isə İranla əlaqələrin inkişafının Ermənistan üçün birinci dərəcəli olduğunu deyib.
 
Paşinyan İranın Şimal-Cənub avtomobil yolunun tikintisinə marağını alqışlayaraq, Ermənistan hökumətinin İran şirkətlərinin Qarakilsə-Meğri hissəsinin tikintisi üzrə tenderdə iştirakını müzakirə etməyə hazır olduğunu vurğulayıb. Tərəflər enerji sahəsində əməkdaşlığa da toxunublar. Xüsusilə, İran-Ermənistan elektrik verilişi xəttinin tikintisindəki irəliləyiş, qaz-elektrik mübadiləsi proqramının uzadılması və genişləndirilməsi məsələləri müzakirə edilib.
 
Rəisi bölgədə sülhün qorunmasının Tehran üçün əsas əhəmiyyət kəsb etdiyinə diqqət çəkib və İranın bütün məsələləri dialoq yolu ilə həll etməyi zəruri hesab etdiyini deyib.
 
Görüş çərçivəsində mədəniyyət, elm, təhsil, ən son texnologiyalar və səhiyyə sahələrində əməkdaşlıq imkanlarını da müzakirə edilib. Görüşün sonunda Paşinyan Raisini Ermənistana dəvət edib, İran lideri dəvəti qəbul edib.

21790 oxunub

InvestAZ