Kəramət: - Keçirmi heç könlündən...
Keçirmi heç könlündən
Qollarını son nəfəsinə qədər açmaq
mənə sarı qaçmaq
qaça-qaça uçmaq
bir kəpənək, uğur böcəyi kimi
ürəyimə qonmaq
keçirmi heç könlündən.
günəşsarısı rənginə
masmavi don geymək
hind filminə baxa-baxa
kinoteatrda başını çiynimə qoyub
hıçqır-hıçqır ağlamaq
keçirmi heç könlündən
əlimdə solmaz çiçəklər
"Gözləmə salonu"nda
özüm solub dayanmışam
Soyunub adətləri, qanunları
"Mən gəldim"demək
həsrətli əllərinlə sinəmi döymək
Keçirmi heç könlündən