SON XƏBƏRLƏR
18 Aprel 2024
17 Aprel 2024
Ədəbiyyat
15:49 / 12.08.2022
Baxış sayı: 3849
Ondan təzə qəm istədim,
O mənə nimdaşı verdi.
Dedik bizə gün ağlasın-
Dünya da göz yaşı verdi.
Ömür verdi boynuburuq,
Ümid verdi qırıq-qırıq.
Baxıb gördü darıxırıq
Söz boyda sirdaşı verdi.
Göz verəndə, qaş vermədi,
Xoşbəxtlik də… baş vermədi.
Ev tikməyə daş vermədi
Məzar üçün daşı verdi.
Bu ki, şeytan dərəsidi
Bu ki, iblis mərəzidi.
Bu nə mizan-tərəzidi
Bunu hansı naşı verdi?
Yıxıldıq zəli üstünə,
İşin əngəli üstünə.
Min nəfər dəli üstünə
Məni də minbaşı verdi…