Əlirza HƏSRƏT - OLMAZ-OLMAZ

Ədəbiyyat 08:25 / 15.10.2025 Baxış sayı: 1126

 

Yaşasan ömrünü halal zəhmətlə,

Əməyin heç zaman zay olmaz-olmaz.

Özünü öydünsə varla,dövlətlə,

Səndən gəda olar,bəy olmaz-olmaz.

 

Əcəb keçmişi var bizim dağların,

Nəğməkar quşları hanı bağların?

Gözündən su içib buz bulaqların,-

Gördüm hər çeşmədən çay olmaz-olmaz.

 

İlməsi bir ayrı hanadı torpaq,

Namərd gülləsindən qanadı torpaq.

Əbədi vətəndi,anadı torpaq,

Adama torpaqdan pay olmaz-olmaz.