XƏBƏR LENTİ
08 Dekabr 2021
07 Dekabr 2021
06 Dekabr 2021



AFFA Premyer Liqa komandalarını yeni liqaya çağırdı
İDMAN 16:15 / 22.04.2020

AFFA ilk dəfə Premyer Liqa,birinci divizion, Region Liqası, Qadınlar Yüksək Liqası, çimərlik futbolu və futzal üzrə, əlillərdən ibarət komandalar arasında turnirlərdə iştirak edən komandaları e-futbol liqasına çağırır.

AFFA-nın və "Sport Marketing Group” şirkətinin birgə təşkilatçılığı ilə keçiriləcək çempionat futbolu real həyatdan virtuala daşımağı bacaranlar, PES2020-də rəqib tanımayan, klubunun e-Milli Liqada təmsil olunmasını istəyənlər üçündür və oyun konsolunda bacarığına və təcrübəsinə güvənən komandalara ünvanlanıb.

İştirak etmək istəyənlər aprelin 25-dən mayın 15-dək komandasını qeydiyyatdan keçirə və mayın 25-də təşkil olunacaq e-Milli Liqaya qatıla bilərlər.

PES2020 qaydaları əsasında gerçəkləşəcək futbol üzrə kiber çempionatın iştirakçı komandaların oyun konsolları və hesabları təmsil etdikləri klublar tərəfindən təmin olunmalıdır.

Hər komandanın heyəti klub tərəfindən müəyyənləşdirilmiş, 18 yaşı tamamlanmış 2 nəfərdən ibarət olacaq. Hər komanda qalibi müəyyənləşdirəcək 2 oyun keçirəcək. Hər mövsüm iki turnirdən ibarət olacaq və hər bir turnir 3 ay davam edəcək.

Mükafatlara gəlincə, birinci yerin sahibinə e-Milli Liqanın Kuboku təqdim olunacaq, həmçinin qalib komanda e-Milli Komandada iştirak şansı qazanacaq. İkinci və üçün yerin sahiblərinə isə təşkilatçılar tərəfindən müxtəlif dəyərli hədiyyələr təqdim olunacaq. Qeyd edək ki, pul mükafatları oyunçunun liqa zamanı toplamış xallarının x100 manat mislinə (1-ci yer üçün); x50 manat mislinə (2-ci yer üçün) və x20 manat mislinə (3-cü yer üçün) bərabərdir.

Turnir ərzində ən yaxşı nəticə göstərən 6 oyunçunun beynəlxalq kiber çempionatlarda iştirakı təmin olunacaq. Eyni zamanda, Avropanın ən məşhur futbol klublarını təmsil edən kiber komandalar ilə yoldaşlıq görüşləri unudulmaz təcrübə olacaq.

Turnirin rəsmi yayım tərəfdaşı CBC Sport kanalıdır.


7524 oxunub

InvestAZ