XƏBƏR LENTİ
28 Sentyabr 2020
27 Sentyabr 2020



Bir qrup Azərbaycan yazıçısının Türkiyəli həmkarlarına MÜRACİƏTİ
Gündəm 14:27 / 23.03.2020


Əziz bacı və qardaşlarımız!

Dünyanın bu ağır günlərində Türkiyədən aldığımız təəssüfdoğurucu bir xəbər bizi Sizə müraciət etməyə səslədi: ötən həftə qardaş ölkədə və dünyada tannmış iş adamı, həmvətənimiz Mübariz Qurbanoğlu Mənsimovun İstanbulda həbsə alınması onun ailəsi, doğmaları və yaxınları ilə bərabər, bizdə də acı təəssüf hissi doğurub.

Bildiririk ki, 2007-ci ildən Türkiyə vətəndaşlığını qəbul edərək Qurbanoğlu soyadını götürən Mübariz bəy bütün türk dünyasının zənginlərindən biridir və o, hər zaman TÜRK adına sədaqətli olmuş, TÜRK xalqına canla-başla xidmət etmişdir. Dünyanın ən böyük 5 dənizçilik şirkətindən biri olan "Palmali" Şirkətlər Qrupunun sahibi kimi Mübariz bəy hələ gənc yaşlarından mesenatlıq, xeyirxahlıq, səxavət, Vətən təəssübkeşliyi kimi ən ali fəzilətləri özündə cəmləşdirən nadir bir iş adamı və insandır. Şübhəsiz, onun maddi zənginliyinin arxasında dərin zəkası ilə yanaşı, gərgin zəhməti də durur. Sizə də məlumdur ki, Mübariz bəy öz köməyini ona ehtiyacı olan insanlardan heç vaxt əsirgəməyib. Bir xeyriyyəçi kimi o, Türkiyədə təhsil alan azərbaycanlı tələbələrin təhsil xərclərini ödəmiş, çoxlu sayda şəhid ailəsinə, Türkiyədə və Azərbaycanda tanınmış ədəbiyyat və mədəniyyət xadimlərinə təmənnasız yardımlar göstərmişdir.

Mübariz Qurbanoğlunun sahibi olduğu "Palmali” Şirkətlər qrupunun Türkiyədə və Azərbaycanda tikdirdiyi məktəblərin, binaların, xəstəxanaların, habelə mədəniyyət, incəsənət, idman, səhiyyə və digər social sahələrə ayırdığı yatırımların sayı hesabı yoxdur. Bütün bunlar onun həm bir vətəndaş, həm də bir insan və sağlam iş adamı obrazını yaratmış, bütün türk dünyasında ona böyük nüfuz və ehtiram gətirmişdir.

Türk mehmetçiklərinin şəhidliyini öz şəhidi, itkisi kimi qəbul edən Mübariz bəy həm də Azərbaycanın QARABAĞ uğrunda mübarizəsi və faciələrimizin dünyada tanınması istiqamətində aparılan əməli işlərə də hər zaman dəstək olub.

Dəyərli həmkarlarımız!

Siz də bilirsiniz ki, bu gün bütün dünyanın, o cümlədən Türkiyə və Azərbaycanın da qarşılaşdığı koronavirus problemi hamı üçün ciddi təhlükələr vəd edir. Türkiyə və Azərbaycan kimi ölkələrdə bu cür problemlərin öhdəsindən gəlmək işində dövlətlərlə yanaşı, Mübariz Mənsimov kimi iş adamlarına da ciddi ehtiyac yaranır. Bu baxımdan hesab edirik ki, Mənsimovun həbsi bütün türk dünyası üçün təkcə adi hüquq hadisəsi deyil, həmdə ciddi sosial məsələdir. Belə bir təəssüfdoğurucu addımın məhz canımız, qanımız bir olan Türkiyəmizdə atılması bizim üçün ayrı bir ağrıdır.

Çox təəssüflə bildiririk ki, bəzən xeyirxah əməllərin özündə də qəbahət axtaranlar tapılır. Düşünürük ki, Mübariz bəyin ictimai və iqtisadi fəaliyyəti fonunda gördüyü xoş niyyətli əməllərində qaranlıq məqamlar axtaranlar var və mümkündür. Biz Mübariz bəyin hər hansı terrorçu qruplaşması ilə ilgili olmasına qəti şəkildə inanmaq istəmirik! Biz Mübariz bəyin hansısa bədxah niyyətli insanlara dəstək vermiş olduğuna inanmaq istəmirik! Biz qardaş Türkiyə Cümhuriyyətinin Ədalət Məhkəməsinə qəlbən inanır və əmin olduğumuzu bildirirk ki, Ədalət və Sağlam düşüncə qalib gələcək! Türk xalqını və Vətənini canından belə əziz tutan Mübariz Qurbanoğlu Mənsimovun tezliklə azadlığa çıxacağına və öz ailəsinin, yaxınlarının və doğmalarının yanına dönəcəyinə ümid edir və Sizi də belə bir humanist istəyə qoşulmağa, HAQQIN yanında olmağa çağırırıq.

Dərin ehtiramla,

Sabir Rüstəmxanlı, Aqşin Babayev, Tofiq Hüseyn, Vaqif Yusifli, Kamran Nəzirli, Ağacəfər Həsənli, Süleyman Hüseynov, Xanım İsmayılqızı, Kəmalə Abiyeva, Adilə Nəzər, Zakir Abbas, Əlisəmid Kür, Mübariz Süleymanlı, Rəfail Həbiboğlu, Şaihin Musaoğlu, Nurəddin Ədiloğlu, Faiq Balabəyli, Əlabbas Bağırov, Aslan Quliyev, Qəni Camalzadə, Tofiq Nurəli, İlqar Rəsul, Nəcibə İlkin, Azad Qaradərəli, Ehtiram İlham, Nurəddin Mirzəxanlı, Əli Nəcəfxanlı, Rafael Tağızadə, Aqil Yaqub, Mehman Qaraxanlı, Aydın Can, Eyvaz Zeynalov, Hikmət Məlikzadə, Hafiz Mirzə, Fərid Hüseyn, Şəhriyar Del Gerani, Balayar Sadiq, Xatirə Xatun, Şərafəddin İlkin, Süleyman Əlisa, Aysel Əlizadə, Sədaqət Elqızı, Qafar Cəfərli, İqbal Nemət, Miribadulla Hüseynzadə, Əli Rzazadə, Mehman Göytəpəli, Akif Əhmədgil, Əyyub Qiyas, Kənan Hacı, Elmira Aslanxanlı, İradə Aytel, Mayis Təmkin, İlham Qazaxlı, Mənsurə Qaçayqızı, Etibar Qoca, Osman Fərmanoğlu, Mübariz Örən, Şahin Həmidli, Rafiq Məmməd, Xanəli Talış, Peyman Oğayət, Tərlan Saleh, Qəhrəman Tovuzlu, Təbrizə Pünhan, Nazilə Gültac, Əlzadə Nuri, Yadulla Ağazadə, Mehman Qaraxanoğlu, Əlizaman Baxış, Aliq Nağıoğlu, Qardaşxan Fərzi, Almaz Bayazid, Xalidə Vaqifqızı, Zabit Talıbov. Mahir Cavadlı.

 

P.S: Siyahı açıqdır


30711 oxunub

InvestAZ