XƏBƏR LENTİ
29 İyun 2022
28 İyun 2022
27 İyun 2022
26 İyun 2022



İydə çiçəkləri- Xuraman Hüseyn
Ədəbiyyat 13:07 / 21.05.2022

Küçələri darıxan şəhər
iydə çiçəkləri kimi sirdaşın var
küçələrinin qoynunda addımlamaq,
onlardan keçib getmək necə gözəl olur
yaz gələndə,
ağaclar çiçəkləyəndə...
Küçələrin darıxırmı yenə
ayaq izlərindən,
kölgədən,
səsdən,
nəfəsdən ötrü?
İydə ətrinə bürünən küçələrin
bir az da gözəllikdən,
xoşbəxtlikdən danışsın
darıxanlara, yalnızlara...
Desinlər onlara,
desinlər ki
darıxmayın,
tənhalıqla
baş-başa qalmayın.
Bəlkə nə vaxtsa sizin kimi
sirdaşları olar onların da
darıxmazlar
gözəlliklə dost olarlar,
sirdaş olarlar...
Küçələri darıxan şəhər
yenə yaz gəlib.
Yenə iydə çiçəklərinin ətri
gözəlləşdirəcək səni,
darıxmağa qoymayacaq
küçələrini...
Bir çiçək və təbiət şəkili ola bilər

3035 oxunub

InvestAZ