XƏBƏR LENTİ
04 Dekabr 2021
03 Dekabr 2021
02 Dekabr 2021



MÜHAFİZƏÇİLƏRİN TƏNTƏNƏLİ YÜRÜŞÜ
Gündəm 16:34 / 12.11.2021



Bir necə gün idi ki,  xalqımız  30 ilə yaxın işğal altında olan  torpaqlarımızı  mənfur erməni işğalçılarındn azad olunmasının birinci ildönümünü ölkəmizin hər yerində olduğu kimi ölkənin ikinci böyük şəhəri, Azərbaycan Cümhuriyyətinin ilk Paytaxtı, Qədim şeir sənət ocağı Gəncə şəhərinin küçə və meydanları  bayram sayağı bəzədilmişdir. Qədirbilən xalqımız  Zəfərimizin birinci ildönümünü sevinc fərəh hissilə   qeyd edirdi.Çünki  Ali Baş Komandan İlham Əliyevin rəhbərliyi  altında   tariximizin ən şanlı səhifəsi yazılmışdır. 2020–ci il sentyabr 27–də  düşmənin  cəbhə boyu təxribat törətməsinə cavab olaraq Azərbaycan Ordusu sonradan "Dəmir yumruq” adlandırılan əks hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüz bərpası ilə nəticələndi.

Vətən müharibəsinin  qəhrəmanlıq nümunələrinə, böyük qələbəni təmin edən amillərə nəzər salaq.

Müharibənin ilk günü ölkə başçısı, Silahlı Qüvvələrin Ali Baş Komandanı İlham Əliyev televizor ilə xalqa müraciət edərək ermənistan silahlı qüvvələrinin bir necə istiqamətdən yaşayış məntəqələrimizi, hərbi mövqeylərimizi atəşə tutduğunu, nəticədə mülki əhali və hərbiçilərimiz arasında itkilərin, yaralanların olduğunu bəyan etdi , dövlətimizin başçısı müraciətində Azərbaycan Ordusunun düşmənin hərbi mövqelərinə  zərbələr endirdiyini və  xeyli sayda hərbi texnikasını və canlı qüvvəsini məhf edildiyini bəyan etdi. Çox keçmədiki dövlətimizin başçısının rəhbərliyilə Təhlükəsizlik Şurasının iclası keçirildi. Prezidentin  göstərişlər əsasında Azərbaycan Ordusunun genişmiqyaslı əks-hücum əməliyyatına başlanıldı:

"Ermənistan işğalçı dövlətdir. Bu işğala son qoyulmalıdır və son qoyulacaqdır. "Biz haq yolundayıq! Qarabağ Bizimdir, Qarabağ Azərbaycandır!” Dövlətimizin başçısının xalqa müraciətində dediyi bu sözlər hər bir Azərbaycanlını şanlı zəfərə kökləyən əsas şüara çevrildi.

 Zəfərin  birinci ildönümü münasibətilə Gəncənin digər İdarə və müəssisələri kimi Rəqəmsal İnkişaf və Nəqliyyat Nazirliyinin Hərbiləşdirilmiş Mühafizə İdarəsinin Gəncə şəhərində yerləşən 2 saylı regional bölməsinin mühafizəçilər kollektivi  də  təntənəli yürüş keçirməyi qərarlaşdırdı. Onlar  əllərində əklillər, çiçək və gül  dəstələrilə  təntənəli yürüş  etdilər.  İlk növbədə şəhərin mərkəzi meydanında ucadılmış ulu öndərimiz Heydər Əliyevin abidəsi önünə gəldilər, abidə önünə əklil və gül dəstələri qoydular.

Ötən otuz illik müharibə dövründə respublikanın iri sanaye şəhəri, qədim şeir sənət ocağı Gəncə  də onlarla şəhid vermiş,  erməni işğalçılarının raket atəşlərinə məruz qalmışdır. Bu gün Gəncənin küçələrinin bir çoxu igid Gəncəli şəhidlərinin adını daşıyır. Yürüş iştirakçıları Heydər Əliyevin abidəsi önündən birbaşa şəhidlər xiyabanına  gəldilər.

Gəncənin ilk şəhidlərindən leytenant Rüzigar Qasımov, Abbasqulu Məmmədov, Bəxtiyar Əliyev və başqaları   bu xiyabanda dəfn olunublar. Gəncədə minə yaxın şəhid məzarı Gəncəlilərin, xüsusilə gənclərin and yerinə çevrilmişdir.

Yürüş iştirakçıları şəhidlər xiyabanında ucaldılmış abidə önünə əklil qoyaraq,  onların xatirəsini bir dəqiqəlik sükutla yad etmişlər.

Yürüş zamanı  Hərbiləşdirilmiş Mühafizə İdarəsinin 2 saylı regional bölməsinin bölmə komandiri Rəşad Bayramovun təklif ilə  44 günlük savaş zamanı Füzuli uğrunda gedən döyüşlərdə şəhid olmuş "Vətən uğrunda” ölümündən sonra medal ilə təltif edilmiş şəhid Orucov Kinyaz Zirəddin oğlunun ailəsi  ziyarət edilmişdi.  Ailə ilə görüş zamanı Növbə koordinatoru Roman Məmmədovun təklifilə ailəyə maddi yardım göstərilmişdi.  Həmin görüş zamanı qərara alınmışdıki mühafizəçilərin özlərinin təşkil etdiyi fond hesabına hər ay bu ailəyə maddi yardım göstərilsin.

Yürüş iştirakçıları qələbəmizin birinci ildönümü münasibətilə, ölkə başçısı, Ali Baş Komandan İlham Əliyevin   və ordumuzun ünvanına qürur və sevinc hissi ilə  dolu minətdarlıq  şüarları səsləndirməklə  tədbiri   yekunlaşdırdılar.  Beləliklə mühafizəçilərin təntənəli yürüşü yadda qalan hadisəyə çevrildi.

İmran Füzulioğlu

Mühafizə Bölməsinin əməkdaşı,

Azərbaycan Jurnalistlər Birliyinin üzvü


14470 oxunub

InvestAZ