XƏBƏR LENTİ
18 Yanvar 2021
17 Yanvar 2021
16 Yanvar 2021



ƏBÜLFƏT MƏDƏTOĞLU: DE NİYƏ? (“Bir qadına...” silsiləsindən)
YAZARLAR 13:17 / 09.01.2021


Hər səhərə ümid kimi baxmışam,

Hər gecəyə yağış kimi yağmışam...

Hər anımda yönü sənə axmışam-

Məgər bunlar günhadırmı de, niyə?

Ürəyimi möhtac qoydun sevgiyə...

 

Ömrüm orman, kədərim də lalıxdı,

Xəyal dərya, xatirələr balıqdı...

Mən- gördüyün, məndən qalan qalıqdı -

Ruhum indi qəm göyərdir demiyə...

Ürəyimi möhtac qoydun sevgiyə.

 

Yeri dələn palıd kimi görürdün,

Vüqarıma, ümidimə dönürdün.

Kipriyimə tumurcuq tək hörürdün-

Qəmmi, qaldı varlığımı yemiyə?

Ürəyimi möhtac qoydun sevgiyə.

 

Hansı ana, hansı haqqa söykəndin?;

Xəyaldasan- yer evindi, göy kəndin...

Son  zərbəni axı kimdən öyrəndin?-

Bənzəyir o, köhnəyə həm yeniyə...

Ürəyimi sussuz qoydun sevgiyə...



835 oxunub

InvestAZ