XƏBƏR LENTİ
18 Yanvar 2021
17 Yanvar 2021
16 Yanvar 2021



ƏBÜLFƏT MƏDƏTOĞLU: ÖMRÜMÜ...
YAZARLAR 11:49 / 07.01.2021

("Bir Qadına"  silsiləsindən)

Yaşayıram...yaşamaqsa əgər bu?-
Mən anlara bölə-bölə ömrümü...
Həsrətinlə  savaşdayam ,günlərlə -
Paylaşıram, belə-belə ömrümü...

Bürünübdü  talehimdə  gün " ah"-a
Bilirəm ki, çox  batmışam günaha!..
Sənin üçün əl açaraq , Allaha -
Nəzir  dedim - gülə-gülə ömrümü!..

Bəlli andan , sən ən böyük sirrimsən
Qibləgahım,  güvənc  yerim, pirimsən...
O  da BİRdi, sən  də mənim BİRimsən -
Qurban etdim, bilə-bilə ömrümü...

Zaman  atı yük  götürmür  tərkinə
Çəkilsəm də  sınaqların  bərkinə!..
Sərf  etmədim  bu dünyanın  dərkinə -
Bir  Qadına - verdim Gülə,  ömrümü!..


759 oxunub

InvestAZ